మనము రోజూ దేవునికి పూజ చేసేటప్పుడు ముందుగా జ్యోతిని వెలిగించి ప్రారంభిస్తాము కదా. అలాగే ఏదైనా పని మొదలుపెట్టినప్పుడు కూడా జ్యోతిని వెలిగించే సాంప్రదాయం మనకి వుంది. అప్పుడు సంస్కృతంలొని శ్లోకాలు కాకుండా అచ్చ తెలుగులో చెప్పుకునే ప్రార్ధన ఒకటి మా ఫ్రెండ్ చెప్పారు. అది ఈ మొట్టమొదటి టపా ద్వారా అందరికీ అందిద్దామని చెపుతున్నాను. నాకు వచ్చినంతమటుకు చెపుతున్నాను. సవరణలుంటే తప్పక సెలవీయండి.
కొండంత చమురు గోరంత వత్తి గోవిందుడా నా దీపాన్ని వెలిగించు.
ఈశ్వరుడా నా దీపాన్ని ప్రకాశించెటట్లు చెయ్యి
పరమేశ్వరుడా నా దీపాన్ని ఫలించేటట్లు చెయ్యి
కాలకంఠుడా నా దీపం కనికరించేటట్లు చెయ్యి
కాశీలొ గయలొ వటవృక్షంకింద యమధర్మరాజు యెదుట పడకుండా చేసి
ఈ నిక్షేపం లాంటి దీపాన్ని మా ఇంట్లో స్థిరంగా నిలిచి వుండేటట్లు చెయ్యి.
పంచభూతాల సాక్షిగా సూర్యచంద్రులు వున్నంతవరకు మా దీపాన్ని మాఇంట్లోఇలాగె నిలిచి వుండేటట్లు చెయ్యి.