Pages

Thursday, January 13, 2011

సంక్రాంతి శుభాకాంక్షలు




నాన్నమ్మ చేసే అరిసెలు
అమ్మమ్మ చేసే పూతరేకులు
అత్తయ్య చుట్టే చక్కిలాలు
తాతయ్య తెచ్చే కొత్తబట్టలు

ఎంత బాగుండేది సంక్రాంతి పడుగ...?
ఇప్పుడా ఊరికెడితే ఏదీ ఆ సందడి..?
సగం ఊరు పట్టణం వైపు నడిచిపోయింది
మరో సగం అలా పోలేక అక్కడ ఉండలేక నలిగిపోతోంది

పోనీ పట్టణాల్లో సంక్రాంతి సొబగు చూద్దామా... అంటే

స్వగృహ స్వీట్స్ తో నోరు తీపి చేసుకుంటూ
గుడికెడదామన్నా ఎప్పుడెక్కడ బంద్ లు పెడతారో నని భయపడుతూ
చిన్నప్పటి పండుగ విశేషాలు పిల్లలకి ఊరించి చెపుతూ
రంగోలీ, పతంగుల పోటీలు టీవీలో మాత్రమే చూపిస్తూ
ఎప్పటిలాగే మామూలుగా జరుగుతున్నరోజుకి లేని ఉత్సాహం తెచ్చిపెట్టి
జరుపుకుంటున్నామా మనం ఈ పండగని.. ?
వద్దు... అలా వద్దు..
మనలోని భేషజాలను తీసి అవతల పడేసి మన పిల్లల కోసం
రేపు వారికి తెలియాల్సిన పండుగ ప్రాభవం కోసం అందరం కలిసి
ఉత్సాహం తెచ్చుకుందాం..ఊరంతా సందడి చేద్దాం..
అపార్ట్ మెంటయితేనేం... అక్కడే ఒక ముగ్గు గీత గీద్దాం
కొలువుకి చోటు లేకపోతేనేం..గూట్లోనే బొమ్మలనుంచి హారతిద్దాం
పేరంటానికి చోటు లేకపోతేనేం...పక్క వరండా లోనే చాపలు పరుద్దాం
వాయనం ఇవ్వలేకపోతేనేం...చిటికెడు పసుపు, గోరంత కుంకుమా ఇచ్చి సంతోషిద్దాం..
అందరం కలిసి ఈ పండుగని ఆనందంగా జరుపుకుందాం...
అందరికీ సంక్రాంతి శుభాకాంక్షలు

##################################################################

3 వ్యాఖ్యలు:

సి.ఉమాదేవి said...

మీ జ్ఞాపకాల ఊసులు బాగున్నాయి.మీకు సంక్రాంతి శుభాకాంక్షలు.

మాలా కుమార్ said...

బాగా రాసారండి .
మీకూ సంక్రాంతి శుభాకాంక్షలు .

SRRao said...

మీకు, మీ కుటుంబానికి, బంధు మిత్రులకు మకర సంక్రాంతి శుభాకాంక్షలు

శి. రా. రావు
సంక్రాంతి లక్ష్మి _ శిరాకదంబం