Pages

Tuesday, October 4, 2011

అమెరికా దాకా ఎందుకూ?

2003 సంవత్సరం ఉగాది సందర్భంగా సిలికాన్ ఆంధ్రా-సుజనరంజని పత్రికవారు హాస్య కవితల పోటీ నిర్వహించారు.
అందులో నేను రాసిన "అమెరికా దాకా ఎందుకూ..?" అన్న కవితకు తృతీయబహుమతి వచ్చింది.
వాటిలో కొన్ని కవితలను వీడియోగా తీసి వారి వెబ్సైట్ లో ఉంచారు. అందులో నా కవిత కూడా వుంది.
ఆ వీడియోని ఇప్పుడు నా బ్లాగ్ లో పెట్టుకుంటానంటే వారు పెద్దమనసుతో అంగీకరించారు.
మీ అభిప్రాయాలని తెలియచేస్తారుకదూ...!

అమెరికా దాకా ఎందుకూ?




బుజ బుజ రేకుల పిల్లుందా - అనుకుంటూ

జుయ్ మని విమానం దిగిన

జులపాల జుట్టు పిల్లవాడి చేయందుకుందుకు

చిలకల్లాంటి పిల్లలు ఎదురు చూస్తుంటే -

అదిగో ...

ఇంటర్వ్యూ మొదలు.

ఏం పేరమ్మా నీది

అబ్బే పాతకాలం పేరు

పోనీలే మార్చుకుంటాను

ఒకలాంటి అమెరికా నవ్వు

ఏం చదివావమ్మా

ఓహో కంప్యూటరు కాదా

మరి వుద్యోగం దొరకడం కష్టమే

ఒకరకమయిన భుజాల కుదింపు.

జీన్ పేంటు వేసుకోవాలి

జుట్టు కత్తిరించుకోవాలి - కాని

తను గీచిన గీటు దాటకూడదు.

ఫేషన్ గా వుండాలి

పార్టీలకు రావాలి - కాని

పెత్తనం అడగకూడదు

అసలు సిసలయిన ఆంధ్రా మొగుడు కదా మరి.

వున్న సెలవు మూడు వారాలు

ఇంక వారమే మిగిలింది

పిల్ల దొరుకుతుందా

ఆతృత పెరుగుతోంది

ఆంధ్ర రాష్ట్రమంతా జల్లెడ పడితే

అదుగో ఆ మూల

ఒకమ్మాయున్నట్టుందే

పరుగో పరుగు

అమ్మాయీ, ఓ అమ్మాయీ

అమెరికా వస్తావా?

ఊహు - రాను.

ఏం? ఎందుకని?

అక్కడ _

బొచ్చెలు కడుక్కోవాలి

బట్టలుతుక్కోవాలి

చద్దన్నం తినాలి

చలితో చావాలి.

మరిక్కడో _

ఇక్కడయితే

పనికి మనిషి

బట్టలకి మనిషి

వంటకి మనిషి

ఆఖరికి తినిపెట్టడానికి కూడా

మనుషులే మనుషులు.

ఇంతోటి మొగుడి కోసం

అమెరికా దాకా ఎందుకూ

అమలాపురం వెడితే చాలు కదా!










with acknowledgements to www.Sujanaranjani.siliconandhra.org

6 వ్యాఖ్యలు:

మాలా కుమార్ said...

:)))))

జయ said...

చాలా బాగుందండి. నాకైతే భలే నచ్చింది. కంగ్రాట్స్.

జ్యోతిర్మయి said...

లలితగారూ...అమ్మయ్య దొరికారు. మీ కవిత చాలా బావుందండీ. మీ డైలాగ్ ని నేను 'ఉగాది వేడుకలు' అనే నాటకంలో తీసుకున్నాను. అది ఎవరు వ్రాశారో తెలియదు నెట్లో దొరికింది. మీకు నా ధన్యవాదాలు.

శ్రీలలిత said...

మాలాకుమార్ గారూ,
మీ అభిప్రాయం ఎంత బాగా చెప్పారండీ.. ధన్యవాదాలు..

శ్రీలలిత said...

జయగారూ,
భలే నచ్చినందుకు బోల్డు ధన్యవాదాలండీ...

శ్రీలలిత said...

జ్యోతిర్మయిగారూ,
దొరికినందుకు నాకూ ఆనందంగా వుందండీ. మీలాంటి మంచి స్నేహితురాలు దొరికింది కదా అని..