Pages

Tuesday, August 31, 2010

నీ పదధూళిని కానా ప్రభూ..



సర్వాంతర్యామి అయిన ఓ జగన్నాధా..
ఈ సృష్టిలో నీవు లేని చోటు కలదా ప్రభూ...



పెరిగే ప్రతి మొక్కలో ఒరిగే ప్రతి కొమ్మలో
వూగేటి రెమ్మలో తొడిగేటి మొగ్గలో
విరిసిన ప్రతి పూవులో అలదిన ఆ తావిలో
నీవే కద నా కన్నుల వెన్నెలవై నిలిచేది
నీవే కద నా మనసును పరవశింపచేసేది…



జిలిబిలి ఆ జాబిల్లి జలతారు చారలో
ఒదిగొదిగే పూమొగ్గల మొగమాటపు ముడిలో
వర్షపు తుంపర జారిన ఆకుల తడి మడతలో
ఎటుచూసిన అటు నీవే అనిపించే మనసులో...



చిగురాకుల మోగేటి చిరుగాలుల పిలుపులో
తీయని తేనెలు ధారగ ఒలికేటి పూలలో
జారిన చినుకుల మ్రోగిన చిరు మువ్వల సడిలో
అదిగదిగో అదె నీ అడుగుల సడి కాదా..



తరియించెద నీ పూజకు పూదండను నేనై
తరియించెద నీ యెడదను చందనపు పూతనై
తరియించెద నీ చూపుల నిండుగ నే కరుణనై
తరియించెద తరియించెద నీ పదముల ధూళినై...




సర్వాంతర్యామి అయిన ఓ జగన్నాధా..
ఈ సృష్టిలో నీవు లేని చోటు కలదా ప్రభూ...

22 వ్యాఖ్యలు:

Sravya V said...

వావ్ చాల బాగుందండి ముందు గా కృష్ణాష్టమి శుభాకాంక్షలు !

రాధిక(నాని ) said...

చాలా బాగుందండి

సి.ఉమాదేవి said...

చిన్నిక్రిష్ణయ్యను చిత్తములో నిలిపి భక్తిపారవశ్యం ఒసగిన ఆత్మానందంతో పదధూళిని కానా అని పదములతో పలకరించి చిత్రాలలో ప్రదర్శించి కృష్ణాష్టమిని బ్లాగులో సాక్షాత్కరింపచేసినందుకు శుభాకాంక్షలు.

జయ said...

శ్రీలలిత గారు, చక్కటి భావాలు...ఎంతో చక్కని చిత్రాలు. చదివిన కొద్దీ చదవాలనిపిస్తుంది. మీకు శ్రీ కృష్ణాష్టమి శుభాకాంక్షలు.

Kalpana Rentala said...

శ్రీలలిత గారు,

చక్కటి ఫోటోలు, మంచి వ్యాఖ్యానం. కృష్ణాష్టమి శుభాకాంక్షలు.

హరే కృష్ణ said...

బావుంది
మీకు మరియు మీ కుటుంబ సభ్యులకు
శ్రీ కృష్ణ జన్మాష్టమి శుభాకాంక్షలు

హరే కృష్ణ

durgeswara said...

కిట్టయ్యను ఎవరికివాల్లు ఇట్టా కట్టిపడేసుకుంటున్నారు .ఏట్టచెసేదబ్బా .

మాలా కుమార్ said...

చాలా బాగుంది .
శ్రీకృష్ణాష్టమి శుభాకాంక్షలు .

శ్రీలలిత said...

శ్రావ్యగారూ,
ధన్యవాదాలండీ. మీకు కూడా కృష్టాష్టమి శుభాకాంక్షలు..

శ్రీలలిత said...

రాధిక(నాని)గారూ,
ధన్యవాదాలండీ. మీకు కూడా కృష్టాష్టమి శుభాకాంక్షలు..

శ్రీలలిత said...

ఉమాదేవిగారూ,
నా భావనలు నచ్చినందుకు ధన్యవాదాలండీ. మీకు కూడా కృష్టాష్టమి శుభాకాంక్షలు..

శ్రీలలిత said...

జయగారూ,
నా భావనలు నచ్చినందుకు ధన్యవాదాలండీ. మీకు కూడా కృష్టాష్టమి శుభాకాంక్షలు..

శ్రీలలిత said...

కల్పనగారూ,
నా భావనలు నచ్చినందుకు ధన్యవాదాలండీ. మీకు కూడా కృష్టాష్టమి శుభాకాంక్షలు..

శ్రీలలిత said...

హరేకృష్ణగారూ,
ధన్యవాదాలండీ. మీకు కూడా కృష్టాష్టమి శుభాకాంక్షలు..

శ్రీలలిత said...

దుర్గేశ్వరగారూ,
కిట్టయ్య ఒక్క తల్లి యశోద కు తప్పితే మరెవ్వరికైనా కట్టుబడతారంటారా..

శ్రీలలిత said...

మాలాకుమార్ గారూ,
ధన్యవాదాలండీ. మీకు కూడా కృష్ణాష్టమి శుభాకాంక్షలు..

చందు said...

krishnastami subhakankashalu

సవ్వడి said...

చిన్న చిన్న పదాలతో ఎంత బాగా రాశారండి.. బాగుంది.

పరిమళం said...

అందమైన పదాల అల్లికతో కన్నయ్యకు మాల బహుమతిగా ఇచ్చారు జన్మాష్టమి శుభాకాంక్షలండీ!

శ్రీలలిత said...

సావిరహేగారూ,
మీకు కూడా కృష్ణాష్టమి శుభాకాంక్షలు

శ్రీలలిత said...

సవ్వడిగారూ,
ధన్యవాదాలు.
మీకు కూడా కృష్ణాష్టమి శుభాకాంక్షలు

శ్రీలలిత said...

పరిమళంగారూ,
ధన్యవాదాలు.
మీకు కూడా జన్మాష్టమి శుభాకాంక్షలు.