నా ఎంకి పాట

చిలకాకు పచ్చంచు చీర కట్టిందీ
రంగైన చెంగావి రైక తొడిగిందీ
కంటె నానూ కలిపి కంటాన బెట్టింది
అందాల నా ఎంకి అచ్చరే అయ్యింది.
ఏడకే ఎంకి నీవేడ కెడతావంటె
నీ నీడె నా మేడ వేరేడ కెడతానంది...//


అయ్యోరి కాడెల్లి పై పంచె తెచ్చింది
కుచ్చుల్ల తలపాగ చక్కంగ చుట్టింది
తిరునాళ్ళలో కొన్న తిరుచూర్న వెట్టింది
అద్దంల నను చూపి అందంగ నవ్వింది
ఎందుకే ఎంకి ఈ అందాలు మనకంటె
నువ్వె నా అయ్యోరు ఒద్దంటె ఒట్టంది...//


ఏటి తరగలతోటి పాట కట్టింది
పైరగాలిని పట్టి సైదోడు పదమంది
చిరుజల్లు చెయిపట్టి తందాన తానంది
నేర్చుకోమావ ఈ పాట బాగుందంది..//
నానేటి..పాటేటి ఒల్లకోయే అంటె
కాదనకు మావ నా ముచ్చటని నవ్వింది....//

సేతిలొ సెయ్యెట్టి అడుగులో అడుగేసి
గోదారి గట్టంత జంటగా నడిచింది
ఎండి ఎన్నెట్లోన గోదారి మధ్యలో
పద మావ పడవెక్కి పదమందుకోమంది...//

॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑॑