Pages

Monday, March 21, 2011

రాగదయ్య ఇకనైన రాజభోగా......




కనుల నింపిన ఆశలు కల్లలాయె
బాస చేసిన విభుడు రాకపోయె
ఏమియందును విధిని యిట్లొనర్ప
ఏమిసేతును మదిని ఊరడింప....

కలికి నీకన్న మేలిమి లేదటంచు
ఒట్టు పెట్టిన మాటను గట్టు పెట్టి
ఎట్టకేగితివయ్య నన్నిట్టు కష్టపెట్టి
మరియాదయే నీకిది మాననీయ....

జాములాయెను నీ జాడ కానరాదు
జాజిమల్లెలు ఎన్నడో వాడిపోయె
జాగుసేయకు యింక నామీద ఆన
జాలి లేదేల నాసామి ఈ దీనపైన...

విడిదిలో వేచిచూచు వరుని పగిది
తొంగిచూచెను చంద్రుడు మోమాటపడుచు
అన్ని నీవంటు నాతోను నమ్మ పలికి
కానరావు నీకిది న్యాయమయ్య....

అలల సవ్వడి లేదు పూవుల ఊసు లేదు
గాలికూడ ఎక్కడ కానరాదు
నీవు వత్తువన్న సత్యమొకటె నన్ను నిలిపె
రాగదయ్య ఇకనైన రాజభోగా......

*************************************

14 వ్యాఖ్యలు:

యెర్రంశెట్టి’s వాయిస్.... said...

మనసును గెలిచిన చెలికాడి కోసం ఓ మగువ మనసు పడే ఆరాటాన్ని చాలా చక్కగా అభివర్ణించారు. ఈ కవిత మనసుకు హత్తుకుంది.

Rao S Lakkaraju said...

జాములాయెను నీ జాడ కానరాదు
జాజిమల్లెలు ఎన్నడో వాడిపోయె

అలల సవ్వడి లేదు పూవుల ఊసు లేదు
గాలికూడ ఎక్కడ కానరాదు

------
వావ్

మాలా కుమార్ said...

శ్రీలలిత గారు ,
వావ్ ఎంత బాగా రాసారండి . చాలా చాలా బాగుంది . థాంక్ యు .

sharma said...

చాలా చక్కగా వర్ణించారు

అనీల్ said...

No words..........simply superb........

తృష్ణ said...

అద్భుతంగా ఉందండి..ఇక మాటల్లేవు. ఆలస్యంగా వచ్చినందుకు మన్నించాలి.

జ్యోతి said...

వావ్! అందరికి అభినందనలు. ఒక చిత్రం ఇన్ని అనుభూతులు కలిగించింది కదా. దేనికదే ప్రత్యేకంగా ఉంది. మీ కవిత చిత్రానికి తగ్గట్టుగా చాలాబావుంది అని చెప్పడం సరికాదేమో అనిపిస్తుంది. ఇంతకంటే మంచి పదం ఉంటే నా తరఫున మీరే చెప్పేసుకోండి..

శ్రీలలిత said...

Naidu garU,
కవిత నచ్చినందుకు ధన్యవాదాలండీ..

శ్రీలలిత said...

Rao S Lakkaraju garu,
మీ కవితాహృదయానికి నా జోహార్లండీ..

శ్రీలలిత said...

మాలా కుమార్ గారూ,
కవిత నచ్చినందుకు ధన్యవాదాలండీ..
అంతా మీ పుణ్యమే కదా..

శ్రీలలిత said...

sharma garU,
ధన్యవాదాలండీ...

శ్రీలలిత said...

అనీల్ గారూ,
థాంక్యూ...

శ్రీలలిత said...

తృష్ణ గారూ,
స్పందించే మనసు ముఖ్యం కాని ముందూ వెనకల దేముందండీ.. అయినా నేను కూడా కాస్త ఆలస్యంగానే రాసేను లెండి. మీకు నచ్చినందుకు నాకు చాలా సంతోషంగా వుంది.

శ్రీలలిత said...

జ్యోతి గారూ,
ధన్యవాదాలండీ..